| მთავარი » ფაილები » რეცეპტები ქართულად |
როგორ მოვამზადოთ გემრიელი ერბოკვერცხი "ორსინი" - ყველით, ლორით და მწვანე ხახვით / rogor movamzadot erobokverckhi "orsini"
| 2020-03-05, 10:51 AM | |
შემადგენლობა:
კვერცხი - 4 ცალი
კარაქი - 75 გრამი;
მწვანე ხახვი - 2-3 ღერო;
ლორი - 100 გრ;
ყველი - 100 გრ. (უმჯობესია პარმეზანი);
მარილი, პილპილი - გემოვნებით.
მომზადების წესი:
გააცხელეთ ღუმელი 200 ° C-მდე;
გააცალკავეთ ერთმანეთისგან კვერცხის გულები და ცილა. გულები ცალ-ცალკე უნდა შეინახოთ გამოყენებამდე. შეგიძლიათ, კვერცხის ცარიელ ნაჭუჭშივე დატოვოთ;
ცილა (სამივე კვერცხის) კარგად ათქვიფეთ. უმჯობესია - მიქსერით თქვიფოთ;
ათქვეფილი ცილა 4 თანაბარ ნაწილად გაყავით;
ღუმელის ლანგარზე პერგამენტის ქაღალდი დააფარეთ, ზედ წაუსვით კარაქი და ათქვეფილი ცილა გადაიტანეთ. (შეგიძლიათ, ცილა სპეციალურ ფორმებში მოათავსოთ და ისე დააწყოთ ლანგარზე);
ათქვეფილი ცილის თითოეულ გუნდას სადილის კოვზით გაუკეთეთ ჩაღრმავება (რომელშიც მოგვიანებით კვერცხის გულს ჩადებთ);
ცილის გუნდებს მოაყარეთ დაჭრილი მწვანე ხახვი და ლორი;
ცილის გუნდებიანი ლანგარი შედგით ღუმელში ზუსტად 5 წუთით;
შემდეგ გამოაღეთ ღუმელი, გამოწიეთ ლანგარი და თითოეული ცილის გუნდის ჩაღრმავებაში თითო კვერცხის გული აკურატულად ჩადეთ. გულებს მოაყარეთ მარილი, პილპილი და გახეხილი ყველი და 4-5 წუთი ისევ აცხვეთ, სანამ გულები ცოტა არ ამოიბურცება, შიგნით კი სველი უნდა დარჩეს.
გემრიელად მიირთვით!
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |