| მთავარი » ფაილები » რეცეპტები ქართულად |
ბადრჯნის პიურე მაროკოულად / badriknis piure marokoulad
| 2014-07-05, 7:05 AM | |
შემადგენლობა:
600 გ ბადრიჯანი
400 გ პამიდორი
2 კბილი ნიორი
4 ს.კ. ზეითუნის ზეთი
1 ს.კ. პაპრიკა
1 ს.კ. ცხარე წითელი წიწაკა
1 ს.კ. დაფქული ძირა
1 თავი ხახვი
1 პატარა კონა ოხრახუში
1 პატარა კონა ქინძი
2 ს.კ. ლიმონის წვენი
მარილი, პილპილი – გემოვნებით.
მომზადების წესი:
ბადრიჯნები დავჩხვლიტოთ, დავაწყოთ თუნუქის ფურცელზე და 45 წუთის განმავლობაში 180 გრადუსზე გამოვაცხოთ, შემდეგ გავაცალოთ კანი. პამიდორი დავმდუღროთ, გავაცალოთ კანი და წვრილად დავჭრათ. ნიორი დავკეპოთ. 2 ს.კ. ზეთში მოვშუშოთ წვრილად დაჭრილი ხახვი და ნიორი. დავაყაროთ პაპრიკა, ცხარე წიწაკა, ძირა, ბადრიჯანი და პამიდორი. მოვაყაროთ მარილი და პილპილი. ცეცხლს დავუწიოთ და 20 წუთი ვშუშოთ, შემდეგ ჩავზილოთ და მოვაყაროთ წვრილად დაჭრილი მწვანილი. ზემოდან მოვასხათ ცოტაოდენი ზეითუნის ზეთი და ლიმონის წვენი.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |