| მთავარი » ფაილები » რეცეპტები ქართულად |
სამარხვო სალათა ოსპითა და სტაფილოთი / samarxvo salata ospita da stafiloti
| 2013-04-20, 3:45 PM | |
1 ჭიქა გრძელი ბრინჯი
0,5 ჭიქა წითელი ოსპი
2 ცალი სტაფილო
1 კონა მწვანე ხახვი
2 თავი ხახვი
1 კონა კამა
1 ს.კ. პაპრიკა
2-3 ს.კ. მცენარეული ცხიმი
ვაშლის ძმარი, მარილი, წიწაკა - გემოვნებით
მომზადების წესი:
ოსპი მოხარშეთ და გადაწურეთ. ადუღებულ წყალში ნახევრად მოხარშეთ ბრინჯი, გადაწურეთ, მოიტოვეთ მისი ნახარში. 0,5 ჭიქა ბრინჯის ნახარში ჩაასხით ქვაბში, ჩაუმატეთ მარილი, 1 ს.კ. ცხიმი და როცა ადუღდება, ჩაყარეთ ბრინჯი, ზემოდან დააფარეთ ხელსახოცამოკრული თავსახური და დაბალ ცეცხლზე ხარშეთ, სანამ წყალს ბოლომდე არ დაიშრობს.
სტაფილო მსხვილად გახეხეთ და წვრილად დაჭრილ ხახვთან ერთად 4 წუთის განმავლობაში ცხიმში მოშუშეთ. დაუმატეთ პაპრიკა, დაჭრილი მწვანე ხახვი, მარილი, წიწაკა და 3-4 წუთი კიდევ შუშეთ. თეფშზე დადეთ ბრინჯი, ზედ მოათავსეთ ოსპი და მოასხით ცოტა ძმარი; შემდეგ კვლავ ბრინჯი, მოშუშული სტაფილო და ძმარი. ბოლო ფენად ისევ ბრინჯი. მორთეთ დაჭრილი კამით.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |