500 გრ თევზი, 1 ჩაის ჭიქა წითელი ღვინო, 1 თავი ხახვი, 0,5 ჩაის ჭიქა ნიგოზი, ქინძი, ოხრახუში, 1 ც დაფნის ფოთოლი, ნიორი, მარილი – გემოვნებით.
დამუშავებული და გარეცხილი თევზი დავჭრათ პატარა ნაჭრებად, ჩავალაგოთ ქვაბში, დავამატოთ ოხრახუში, თავი ხახვი, დაფნის ფოთოლი, მოვაყაროთ მარილი, დავასხათ 1 ჭიქა წითელ ღვინოში გარეული 1 ჭიქა წყალი. ქვაბს დავახუროთ სახურავი და ვხარშოთ 20-25 წუთი თევზის მზადყოფნამდე.
მოხარშული თევზი გადავიტანოთ ღრმა სინზე, ნახარში ბულიონი გავწუროთ, ჩავასხათ ცალკე ქვაბში და ვადუღოთ 10-15 წუთი, შემდეგ დავამატოთ ნიორთან ერთად დანაყილი ნიგოზი, ვადუღოთ კიდევ ერთი წუთი და გადმოვდგათ ცეცხლიდან. მოხარშულ თევზს მოვასხათ სოუსი და მოვაყაროთ წვრილად დაჭრილი ქინძი.