Lorem ipsum
Class aptent taciti sociosqu ad litora

Загрузка...
მთავარი » ფაილები » რეცეპტები ქართულად

დაბუღული ქათამი სოკოთი და ნაღებით / dabughuli qatami sokoti da naghebit
2017-09-14, 11:18 AM
www.auf.ge -

შემადგენლობა:
2 ქათმის თეძო - ბარკალი
50 გრ. ერბო
100 გრ. ქამა სოკო
30 გრ. სტაფილო
80 გრ. ნაღები
20 გრ. ხახვი
30 გრ. ზეთი (მზესუმზირის ან სიმინდის)
1 გრ. შავი პილპილი
5 გრ. ტარხუნა
40 გრ. თეთრი მშრალი ღვინო

მომზადების წესი:
ავარჩიოთ მსუქანი ქათამი. ქათმის ცხიმი, ასევე ცნობილი როგორც შმალცი, ერთ-ერთი დაუფასებელი ცხიმია ქონთა სამყაროში. შმალცის დნობა ქათმის ხორცს აძლევს სასწაულ არომატს, ამიტომ პირველ რიგში, ქათმის გაწმენდის შემდეგ, თეძო-ბარკალს გავაცალოთ ძვლები, მოვათავსოთ ხორცი მაყალის ცხაურზე და დავბრაწოთ ყველა მხრიდან. ქათამს ცხაურზე გარშემო მოვულაგოთ სოკოები, რომ ეს გემრიელი აორთქლებული შმალცი სოკოსაც მოედოს. პარალელურად, ქოთანი ჩავდგათ ნაკვერჩხალში, რომ კარგად გახურდეს.
დავჭრათ ხახვი წვრილ კუბებად, იგივე ზომის კუბებად დავჭრათ სტაფილოც. დაბრაწულ ქათამს, სოკოს, ხახვს და სტაფილოს ერთად ჩავუძახოთ თიხის ქოთანში, დავასხათ ნაღები, ჩავაყოლოთ თეთრი ღვინო, მოვაყაროთ მარილი და პილპილი, დავახუროთ სახურავი და მოვთუშოთ 25 წუთით. ნაკვერჩხალში ჩადებული ქოთანი შეითავსებს არა მხოლოდ ჭურჭლის, არამედ ინგრედიენტის როლსაც, იმიტომ რომ ნაკვერჩხალში დამწვარი თიხა კერძს თავის მიწის არომატს აძლევს.
მოთუშვის დასრულების შემდეგ, ამოვიღოთ ქოთანი ნაკვერჩხლიდან, წვრილად ჩავაჭრათ ტარხუნა და ჩავახეხოთ ლიმონის ცედრა, კარგად ამოვურიოთ, მივიტანოთ ცხვირი ახლოს, დავსუნოთ და არაამქვეყნიური არომატისგან შოკში ჩავვარდეთ, მოვიკრიბოთ სული, ვცადოთ რომ სერვირებამდე არ შევჭამოთ მთლიანი კერძი და სახურავი დავახუროთ, რომ არომატი არ გაიფლანგოს.
რადგანაც ამ კერძის ერთ-ერთი არომატული ინგრიდიენტი თეთრი ღვინოა, მას სწორედ თეთრ ღვინოსთან ერთად მიირთმევენ თეთრი შოთის პურის თანხლებით.


გამოხატეთ თქვენი გემოვნება —
დააკომენტარეთ მოცემული რეცეპტი!



გაეცანით მსგავს მასალებს ტეგების მიხედვით



კატეგორია: რეცეპტები ქართულად | დაამატა: InterestingSite | ტეგები: naghebi, რეცეპტი კულინარია, ქამა სოკო, qatami, სტაფილო, ქათამი, stafilo, recepti kulinaria, ნაღები, qama soko ნანახია: 45 | რამოტვირთვები: 0 | რეიტინგი: 0.0/0
სულ კომენტარები: 0
კომენტარის დამატება შეუძლიათ მხოლოდ დარეგისტრირებულ მომხმარებლებს
[ რეგისტრაცია | შესვლა ]