| მთავარი » ფაილები » რეცეპტები ქართულად |
ბლინის სუში / blinis sushi
| 2014-06-27, 11:39 AM | |
შემადგენლობა:
100 მლ რძე + 1 ს.კ. რძე
2 ცალი კვერცხი
80 გ ფქვილი
1/4 ს.კ. ცხარე პაპრიკა,
2 ცალი მოზრდილი პამიდორი
1 ს.კ. საშუალო სიცხარის მდოგვი
1 ს.კ. ძმარი
1 ს.კ. შაქარი
2 ს.კ. ზეითუნის ზეთი
4 ცალი მწვანე სატაცური
200 გ ორმაგი ნაღების ყველი
1 პატარა კონა წიწმატი
4 ს.კ. ზეთი
მარილი, წიწაკა – გემოვნებით.
მომზადების წესი:
სატაცური 10 წუთის განმავლობაში მდუღარე მარილიან წყალში მოვათავსოთ და მოვხარშოთ, შემდეგ გადავწუროთ. ყველი და რძე ერთად ავურიოთ. წიწმატს ფოთლები მოვაჭრათ. 100 მლ რძე, კვერცხი, ფქვილი, პაპრიკა და მარილი ავთქვიფოთ ერთგვაროვანი მასის მიღებამდე. პამიდვრებს თესლი ამოვაცალოთ და ოთხად გავჭრათ. თესლში ავურიოთ მდოგვი, მარილი, წიწაკა, ძმარი, შაქარი და ბლენდერით ავთქვიფოთ. შევურიოთ ზეითუნის ზეთი. ცომისგან ბლინები გამოვაცხოთ ტაფაზე და ყველის მასა წავუსვათ. ზედ გადავანაწილოთ წიწმატის ფოთლების ნახევარი, დავაწყოთ სატაცურის ნაჭრები და გადავახვიოთ, შემდეგ პატარა ნაჭრებად დავჭრათ და მომზადებული დრესინგი მოვასხათ. ზემოდან დარჩენილი წიწმატის ფოთლები მოვაყაროთ.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |