| მთავარი » ფაილები » რეცეპტები ქართულად |
გარგარის მუსი ჟოლოს სოუსით / gargaris musi jholos sousit
| 2014-06-22, 2:42 PM | |
შემადგენლობა:
2 ფირფიტა ჟელატინი
4 ცალი მწიფე გარგარი
250 გ 20%-იანი ხაჭო
2 ს.კ. ლიმონის წვენი
4 ს.კ. შაქარი
1 შეკვრა ვანილის შაქარი
150 მლ სქელი ნაღები
250 გ ჟოლო
შაქრის პუდრი – მოსაყრელად.
მომზადების წესი:
ჟელატინი ცივ წყალში დავალბოთ. გარგარი ჩავყაროთ ადუღებულ წყალში, გადავწუროთ, გავაცალოთ კანი, გავჭრათ შუაზე და კურკა ამოვაცალოთ. შემდეგ წვრილად დავჭრათ. ხაჭოში ავურიოთ ლიმონის წვენი, 3 ს.კ. შაქარი და ვანილის შაქარი. შევურიოთ დაჭრილი გარგარი. ჟელატინი გავადნოთ, ჯერ 3 ს.კ. ხაჭოს მასას შევურიოთ, შემდეგ კი მთლიანად ავურიოთ ხაჭოს მასაში. ნაღები ავთქვიფოთ და შევურიოთ ხაჭოსა და ჟელატინის მასას, შემდეგ ჩავდოთ ფორმაში, დავახუროთ სახურავი და 4 საათით მაცივარში დავდგათ. ჟოლოს 2/3 ნაწილი და 1 ს.კ. შაქარი ბლენდერით დავაქუცმაცოთ და საცერზე გავატაროთ, შემდეგ დანარჩენი ჟოლო შევურიოთ. მუსი ჟოლოს სოუსთან ერთად ამოვიღოთ თეფშზე და შაქრის პუდრი მოვაყაროთ.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |