1 ც გოჭი, კარაქი, ოხრახუში, მარილი- გემოვნებით. გამოშიგნული გოჭი გავრეცხოთ, გარედან და შიგნიდან ოდნავ მოვაყაროთ მარილი, დავდოთ ტაფაზე ზურგით ზევით და შევდგათ ქურაში. შეწვის პროცესში პერიოდულად მოვასხათ ცხიმი, რომელიც მისგან გამოიყოფა და ზედაპირზე წავუსვათ კარაქი. გოჭის მზადყოფნის განსაზღვრისთვის საჭიროა მისი ზედაპირი ჩავჩხვლიტოთ ჩანგლით, თუ ხორცი მზადაა, ჩანგალი ჩაერჭობა ადვილად და თანაბრად, ხოლო გამოსული წვენი გამჭვირვალე იქნება. შემწვარი მთელი გოჭი დავდოთ სინზე, მოვრთოთ ოხრახუშით, მივიტანოთ მაგიდასთან, სადაც დავჭრათ აუცილებლობის მიხედვით.