1 ც ქათამი, 500 გრ ნიგოზი, 4-5 თავი ხახვი, ღვინის ძმარი, ქინძი, წიწაკა, შავი პილპილი, იმერული ზაფრანა, ნიორი, ხმელი სუნელი, მარილი - გემოვნებით. გარეცხილი, მომზადებული ქათამი დავჭრათ, ჩავალაგოთ ტაფაში და მოვხრაკოთ. თავი ხახვი და ქათმის ცხიმი გავატაროთ ხორცსაკეპ მანქანაში, მოვშუშოთ, გადავიტანოთ ქათამთან და ისევ მოვშუშოთ. ნიგოზი, მარილი, ნიორი, ქინძი, წიწაკა კარგად დავნაყოთ, გავხსნათ მდუღარე წყლით და დავამატოთ ღვინის ძმარი. მიღებული მასა დავასხათ ქათამს და ვხარშოთ 10-15 წუთის განმავლობაში. ხარშვის დამთავრებამდე 5 წუთით ადრე დავამატოთ პილპილი, ზაფრანა და ხმელი სუნელი.