მომზადების წესი: ქათმის ფილე გავრეცხოთ, გავაშროთ, დავჭრათ და ამოვავლოთ კრახმალში. ხახვი გავფრცქვნათ და დავჭრათ ალყა-ალყა, სოკო დავჭრათ. ჯინჯერი გავასუფთავოთ და დავაქუცმაცოთ ( თუ ჯინჯერი დაფქული გაქვთ, მაშინ ფილეს მოვაყაროთ შეწვამდე ), ისპანახი და მწვანე ლობიო დავჭრათ საშუალო ნაჭრებად. წყალი ავადუღოთ, ჩავყაროთ ლაფშა და მივიყვანოთ მზადებამდე. გადავავლოთ წყალი, წყალს ვაცალოთ დაწურვა, დავამატოთ ერთი კოვზი ზეთი, რათა არ მიეკროს ერთმანეთს. ტაფაზე გავაცხელოთ ზეთი, დავალაგოთ ქათმის ფილე ჯინჯერთან ერთად და მაღალ ცეცხლზე შევწვათ ორივე მხარეს. დავასხათ 2 ს.კ. საკე და სოიოს სოუსი. შემდეგ ამოვიღოთ ხორც. ტაფაზე დავასხათ დარჩენილი ზეთი, გავაცხელოთ და დავყაროთ ხახვი, ისპანახი, ლობიო და სოკო. ვთუშოთ 5 წთ-ის განმავლობაში და თან ვურიოთ. ტაფაზე გადმოვიღოთ ლაფშა, დავასხათ ბულიონი, დარჩენილი სოიოს სოუსი, პილპილი, მარილი, ქათმის ნაჭრები და მივიყვანოთ მზადყოფნამდე 2 წთ-ის განმავლობაში.