| მთავარი » ფაილები » რეცეპტები ქართულად |
ფენოვანი ჭიქები butterschotch-ით / fenovani chiqebi butterschotch-it
| 2016-12-01, 11:06 AM | |
შემადგენლობა:
ხაჭო - 250 გრ;
კვერცხი - 1 ცალი;
შესქელებული რძე - 3 სადილის კოვზი;
ლიქიორი Butterscotch - 3 სადილის კოვზი;
სიმინდის ფქვილი - 3 სადილის კოვზი;
ქიშმიში - 1 მუჭა;
შოკოლადი - 50 გრ;
მოხალული თხილი - 10 ცალი.
ფენოვანი ჭიქებისთვის - ფილო ცომის 4 ცალი ფურცელი (უნდა გამოჭრათ 36 ცალი კვადრატი 10'10-ზე დაახლოებით. ერთ ფირფიტისგან 9 ცალი კვადრატი გამოდის).
ინვენტარი: მაფინის საცხობი მეტალის ყალიბი ან 12 ცალი სილიკონის ჭიქა;
მომზადების წესი
კვერცხი ათქვიფეთ;
შეამატეთ შესქელებული რძე და ხაჭო, მოურიეთ;
ჩაამატეთ ლიქიორი, ქიშმიში, თხლად დაჭრილი ან დაფხეკილი შოკოლადი, თხლად დაჭრილი თხილი და მოურიეთ;
სიმინდის ფქვილი უნდა იყოს თავ-გადასწორებული კოვზით, კრემის სისქე უნდა იყოს თხელი, მაგრამ არა წყალივით, ამ სისქეს სწორედ ფქვილით არეგულირებთ, თუმცა 4 კოვზზე მეტი მაინც არ უქნათ;
სიტკბო ეძლევა შესქელებული რძით და ლიქიორით, თუ საკმარისი არ ექნა, მაშინ კიდევ შეამატეთ "სგუშონკა" ან თეთრი შაქარი;
გაადნეთ კარაქი;
გამოჭერით ფურცლები, თითეულს წაუსვით კარაქი ალაგ-ალაგ, ასევე გაცხიმეთ საცხობი ფორმებიც;
თითო ჭიქაში ჩააფინეთ 3 ფურცელი (წინასწარ დაჭრილი), კიდეები ოდნავ ამოწეული უნდა ქონდეს;
ჩაასხით კრემის მასა, ფორმის კიდეც ცოტათი უნდა აკლდეს;
შედგით წინასწარ 160 გრადუსზე გახურებულ ღუმელში და გამოაცხვეთ სანამ კრემი არ შემაგრდება და ფირფიტები არ შეიბრაწება. (ღუმელში მხოლოდ ქვედა პოზიცია უნდა იყოს ანთებული);
გამოიღეთ და გააგრილეთ.
შეგილძიათ მიირთვათ კენკრის "ჩირაღდანთან" ან ნაყინთან ერთად.
მომზადების დრო: 30 წუთი; ცხომისთვის 20 წუთი.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |