სატენის მოსამზადებლად ავთქვიფოთ 4 კვერცხის ცილა, 2 ჭიქა შაქრის ფხვნილი და 200გრ წვრილად დაჭრილი ნიგოზი. ცალკე შევურიოთ ერთმანეთში 300გრ არაჟანი, 300გრ ნაღების კარაქი ან მარგარინი, 1/2 ჩაის კოვზი სოდა და 4 ჭიქა ფქვილი. ცომი გავყოთ 3 ნაწილად. გავათხელოთ სამივე ნაწილი, მათგან ყველაზე დიდი ჩავაფინოთ ტაფაზე და წავუსვათ სატენი. შემდეგ დავაფინოთ მეორე ფენა, წავუსვათ სატენი, დავაფინოთ მესამე ფენა, წავუსვათ სატენი და ქვედა ფენის ნაპირები ამოვკეცოთ ზევით.