კვერცხის გული კარგად გათქვიფეთ შაქრის ფხვნილში, შიგ აურიეთ დანაყილი ნიგოზი, პურის ფქვილი და კარგად გათქვეფილი კვერცხის ცილა, ყალიბს წაუსვით ცხიმი, მოაყარეთ დანაყილი ორცხობილა, მოაქციეთ შიგ მომზადებული მასალა და და შედგით ღუმელში გამოსაცხობად. როცა გამოცხვება, ცოტა შეაგრილეთ, მერე ყალიბიდან ამოიღეთ და მოაყარეთ დანაყილი შაქრის ფხვნილი, ან ტორტი გაჭერით ორ ფენად, ზედ წაუსვით მოხარშული შოკოლადის ან კაკაოს კრემი, მერე ფენები შეაერთეთ და ზედაპირი მორთეთ კარაქნარევი იმავე კრემით. მ ა ს ა ლ ა: კვერცხი - 4 ცალი, შაქრის ფხვნილი - 1 ჩ.ჭ., დანაყილი ნიგოზი - 1 ჩ.ჭ., პურის ფქვილი - 1/2 ჩ.ჭ., დანაყილი ორცხობილა - 1 ს.კ., ცხიმი ფორმის წასასმელად, ცალკე მასალა კრემისთვის.