შუშის ქილაში ჩაყარეთ 1 კგ კურკიანი ალუბალი. ზედ 1 ლ. სპირტი დაასხით. ქილას მჭიდროდ დაახურეთ თავზე და ერთი კვირის მანძილზე მყუდრო ადგილას მოათავსეთ. ქილა ყოველდღე შეანჯღრიეთ. 1 კვირის შემდეგ ალუბლის წვენი მეორე ქილაში გადაწურეთ (იხმარეთ ბამბიანი ძაბრი) ალუბალს 1 კგ. შაქარი მოაყარეთ და ასე გააჩერეთ 2-3 კვირა. დრო და დრო ქილა შეანჯღრიეთ. შაქარმოყრილი ალუბლის წვენიც ბამბიანი ძაბრის მეშვეობით ალუბლისაგან გადაწურულ წვენს შეურიეთ. 3/4 ჩაის ჭიქა წყალი გაათბეთ, უწვენოთ დარჩენილ ალუბალს დაასხით და კარგად მოურიეთ. ბამბიანი ძაბრის დახმარებით ეს წყალი ბოთლში დაგროვილ ალუბლის წვენს შეურიეთ. 3/4 ჩაის ჭიქა წყალი იმავე წესით, იმავე ჭურჭელში მეორეჯერაც გადმოწურეთ. მიღებული სიროფი 2-3 კვირის განმავლობაში ჭურჭელში გააჩერეთ. მეორე კიდევ ერთხელ ბამბიანი ძაბრის მეშვეობითგაფილტრეთ. მიღებული ლიქიორი ნებისმიერ ჭურჭელში ჩაასხით შესანახად.