| მთავარი » ფაილები » რეცეპტები ქართულად |
გემრიელი და სასარგებლო ბორში - ბროკოლითა და ყვავილოვანი კომბოსტოთი / gemrieli da sasargeblo borshi - brokolita da yvavilovani kombostoti
| 2017-07-02, 7:46 PM | |
შემადგენლობა:
ყვავილოვანი კომბოსტოს 5-6 საშუალო ნაჭერი
ბროკოლის 4-5 საშუალო ნაჭერი
ძალიან პატარა თავი თეთრი კომბოსტო (სურვილის შემთხვევაში)
2-3 საშუალო თავი ხახვი
2-3 საშუალო სტაფილო
3-4 ცალი საშუალო ზომის კარტოფილი
1 დიდი ან 2 პატარა ჭარხალი
ნახევარი სადილის კოვზი ტომატი
2-3 საშუალო კბილი ნიორი
კამა, ოხრახუში, ქინძი და ნიახური - გემოვნებით
მარილი - გემოვნებით
მომზადების წესი:
წვრილად დაჭრილი ხახვი და ასევე დაჭრილი ან გახეხილი სტაფილო ზეთში მოშუშეთ. დაამატეთ წვრილად დაჭრილი თეთრი კომბოსტო და ადუღებულ მარილიან წყალში მოწალული ყვავილოვანი კომბოსტო. დაასხით იმდენი წყალი, რომ კომბოსტო დაფაროს და 15-20 წუთი აცადეთ, რომ იხარშოს.
ამასობაში გახეხეთ ჭარხალი და შეგიძლიათ, ისიც ცოტა ზეთში მოშუშოთ, პატარა ტაფაზე.
ასევე მოამზადეთ ბროკოლი - მდუღარე მარილიან წყალში მოწალეთ.
კომბოსტო რომ მოიხარშება, ჩაყარეთ ქვაბში კარტოფილი და ქვაბი გაავსეთ, რამდენი წვენიც გინდათ, რომ იყოს. იხარშოს კიდევ 10 წუთი და დაამატეთ ჭარხალი და ტომატი.
10 წუთის შემდეგ ჩაუმატეთ მარილი (მე სვანურ მარილსაც ვამატებ, უკეთესი გემო აქვს), მწვანილთან და ნიორთან ერთად წვრილად დაჭრილი ბროკოლი და კიდევ 5 წუთი დატოვეთ ცეცხლზე. თავად მიხვდებით, როდის იქნება მზად.
ზოგიერთი დიასახლისი პროდუქტებს ერთად ყრის და ერთად ხარშავს, თუმცა ცოტა მოგვიანებით თუ ჩაამატებთ ჭარხალს და კარტოფილს, მეტ სასარგებლო თვისებას შეინარჩუნებს.
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |