| მთავარი » ფაილები » რეცეპტები ქართულად |
არომატული სოკოს ჩაქაფული / aromatuli sokos chaqafuli
| 2017-06-18, 6:50 PM | |
შემადგენლობა:
ხის სოკო - 2 კგ
ხახვი - 5 თავი
პრასი - 2 ცალი, ფოჩების გარეშე
ახალი ნიორი - 1 ცალი, ფოჩების გარეშე
მწვანე ხახვი - 1 კონა
ტარხუნა - 6 კონა
ქინძი - 1 კონა
ნედლი პიტნა - 6-7 ღერი
თეთრი ღვინო - 800 მლ-1 ლ
ახალი ტყემალი - 2 ჭიქა
კარაქი - 1 ს/კ (სავსე)
წყალი - 2 ჭიქა
მარილი და პილპილი - გემოვნებით
მომზადების წესი:
ხის სოკო გავარჩიოთ და რამდენიმე საათით გავაჩეროთ ცივ წყალში, შემდეგ გავწუროთ და დავჭრათ. მოვათავსოთ სქელძირიან ქვაბში ალყა-ალყა დაჭრილ ხახვთან, მწვანე ხახვთან, პრასთან და ნიორთან ერთად. დავასხათ წყალი და დავდგათ ცეცხლზე. როცა წყალი თითქმის დააშრება, დავუმატოთ კარაქი და 2 წუთი ვურიოთ, რომ არ მიიწვას, შემდეგ დავასხათ ღვინო, საშუალო ზომაზე დაჭრილი ქინძი, პიტნა და ტარხუნა და 3-5 წუთის შემდეგ კი ტყემალი დავუმატოთ. მოვაყაროთ მარილი, შავი პილპილი და ცეცხლზე გავაჩეროთ ტყემლის მარცვლების მოხარშვამდე.
წყარო — ჟურნალი "გემრიელი" (მაისის ნომერი)
გამოხატეთ თქვენი გემოვნება —
დააკომენტარეთ მოცემული რეცეპტი!
გაეცანით მსგავს მასალებს ტეგების მიხედვით
| სულ კომენტარები: 0 | |